Anglikanismus

Anglikanismus (vo: lateinisch anglicanus ‚englisch‘) is de Gsomdheit vom Glaum und religiäsn Lem vo da „Kiach vo England“ (Church of England) und iahre Dochdakiachn. De meistn vo dena Dochtakiachn ghean zua Anglikanischn Gmoaschoft, oanige hom se owa vo da Gmoaschoft trennd.

In voareformatorischa Zeid hod da Ausdruck de nationalkiachlichn Bestrebunga in England (vgl. Gallikanismus in Frankreich) bezeichnd, de ned de Losläsung vo Rom, woih owa a gressare landeskiachliche Autonomie zum Zui ghod hom.